Óz sózinde Ajar Ǵiniiat Qazaqstan úkimeti jas jubailar arasynda bedeýlik kóbeiip bara jatqanyna qatty alańdaitynyn aitty.
"Bala bolmaýyna bailanysty neke buzylatyn jaǵdailar týyndaidy. 2020 jyldyń 1 qyrkúieginde Memleket basshysy Úkimetke EKU-ǵa kvotany 7 esege ulǵaita otyryp, "Ańsaǵan sábi" arnaiy baǵdarlamasyn iske qosýdy tapsyrdy, oǵan respýblikalyq biýdjetten 6 mlrd teńgeden astam qarajat bólindi. Onyń aiasynda 3 myńnan astam áiel júkti bolyp, 1 myńnan astam bala dúniege keldi", - dedi Ajar Ǵiniiat.
Densaýlyq saqtaý júiesiniń negizgi maqsattarynyń biri halyq densaýlyǵyn, onyń ishinde reprodýktiv densaýlyqty nyǵaitý, demografiialyq jaǵdaidy jáne ómir súrý sapasyn jaqsartý sanalady, dedi Densaýmin basshysy.
"Bizdiń maqsatymyz - bedeýlikti emdeý ǵana emes, onyń aldyn alý jáne sebepterin joiý boiynsha sharalar qabyldaý. Búgingi oqiǵa - bul jańa qadam, reprodýktsiia salasyndaǵy jańa múmkindikterdiń bastaýy", - dedi óz sózinde DSM basshysy.
Ǵiniiat reprodýktsiia salasynda jańa tehnologiialardy tabysty engizý maqsatynda barlyq jaǵdailar jasalǵanyn aitty. Birinshi kezekte, zańnamalyq baza qamtamasyz etildi, qosalqy reprodýktivtik tehnologiialardy júzege asyrýdyń barlyq aspektilerin retteitin NQA bekitildi, túrli beiindegi mamandar daiarlanǵan.
Osy sharalar arqasynda búginde elimizde 29 EKU ortalyǵy jumys isteidi.
