ٶز سٶزٸندە اجار عينييات قازاقستان ٷكٸمەتٸ جاس جۇبايلار اراسىندا بەدەۋلٸك كٶبەيٸپ بارا جاتقانىنا قاتتى الاڭدايتىنىن ايتتى.
"بالا بولماۋىنا بايلانىستى نەكە بۇزىلاتىن جاعدايلار تۋىندايدى. 2020 جىلدىڭ 1 قىركٷيەگٸندە مەملەكەت باسشىسى ٷكٸمەتكە ەكۇ-عا كۆوتانى 7 ەسەگە ۇلعايتا وتىرىپ, "اڭساعان سەبي" ارنايى باعدارلاماسىن ٸسكە قوسۋدى تاپسىردى, وعان رەسپۋبليكالىق بيۋدجەتتەن 6 ملرد تەڭگەدەن استام قاراجات بٶلٸندٸ. ونىڭ اياسىندا 3 مىڭنان استام ەيەل جٷكتٸ بولىپ, 1 مىڭنان استام بالا دٷنيەگە كەلدٸ", - دەدٸ اجار عينييات.
دەنساۋلىق ساقتاۋ جٷيەسٸنٸڭ نەگٸزگٸ ماقساتتارىنىڭ بٸرٸ حالىق دەنساۋلىعىن, ونىڭ ٸشٸندە رەپرودۋكتيۆ دەنساۋلىقتى نىعايتۋ, دەموگرافييالىق جاعدايدى جەنە ٶمٸر سٷرۋ ساپاسىن جاقسارتۋ سانالادى, دەدٸ دەنساۋمين باسشىسى.
"بٸزدٸڭ ماقساتىمىز - بەدەۋلٸكتٸ ەمدەۋ عانا ەمەس, ونىڭ الدىن الۋ جەنە سەبەپتەرٸن جويۋ بويىنشا شارالار قابىلداۋ. بٷگٸنگٸ وقيعا - بۇل جاڭا قادام, رەپرودۋكتسييا سالاسىنداعى جاڭا مٷمكٸندٸكتەردٸڭ باستاۋى", - دەدٸ ٶز سٶزٸندە دسم باسشىسى.
عينييات رەپرودۋكتسييا سالاسىندا جاڭا تەحنولوگييالاردى تابىستى ەنگٸزۋ ماقساتىندا بارلىق جاعدايلار جاسالعانىن ايتتى. بٸرٸنشٸ كەزەكتە, زاڭنامالىق بازا قامتاماسىز ەتٸلدٸ, قوسالقى رەپرودۋكتيۆتٸك تەحنولوگييالاردى جٷزەگە اسىرۋدىڭ بارلىق اسپەكتٸلەرٸن رەتتەيتٸن نقا بەكٸتٸلدٸ, تٷرلٸ بەيٸندەگٸ ماماندار دايارلانعان.
وسى شارالار ارقاسىندا بٷگٸندە ەلٸمٸزدە 29 ەكۇ ورتالىعى جۇمىس ٸستەيدٸ.
