Foto:gov.kz
Densaýlyq saqtaý ministri Ajar Ǵiniiat bala emdeýdegi alǵashqy meditsinalyq qateligi týraly aitty, - dep habarlaidy Tengrinews.kz.
"Alǵash jibergen meditsinalyq qateligim jaqsy esimde qalypty. Alǵash dáriger bolǵanymda balany ishek infektsiiasymen emdep, temperatýrasyn túsirip, jaǵdaiyn qalpyna keltirdim. Úshinshi kúni temperatýra qaitadan kúrt kóterilip, bala bozara bastaidy. Sodan keiin basqa áriptesterimdi shaqyryp, bárimiz birge qaradyq. Men sol kezde balada ishek infektsiiasyn emes pnevmoniia ekenin bildim. Bala, árine, aman qaldy, biraq ol saýyqqanǵa deiin men reanimatsiia bóliminen shyqpadym", - dedi Ǵiniiat jýrnalisterge.
