Foto: ashyq derekkóz
Densaýlyq saqtaý ministrligi zańsyz meditsinalyq qyzmet faktilerin jáne meditsinalyq kómek kórsetý kezinde standarttardyń buzylýyn anyqtaý úshin respýblika boiynsha jeke emshara kabinetterin tekserýdi jalǵastyrýda, dep habarlaidy Ult.kz.
Aralaý barysynda monitoringtik toptar buzýshylyqtarmen jumys istegen nemese litsenziialarǵa qajetti qosymshalarsyz 406 nysandy anyqtady. Túsindirý jumystaryn júrgizgennen keiin 247 emshara kabineti óz erkimen qyzmetin toqtatty.
Sanitariialyq qaǵidalarǵa sáikes, emshara kabinetteri epidemiologiialyq mańyzy joǵary nysandarǵa jatady jáne densaýlyq saqtaý sýbektilerine qoiylatyn talaptarǵa sáikes bolýǵa mindetti.
Budan basqa, ruqsattar salasyndaǵy zańnama dárigerge deiingi kómek kórsetetin orta meditsinalyq personaldyń ókilettikterin aiqyndaidy. Bul erejeler invazivti aralasýdy qamtamasyz etpeidi, bul tiisti litsenziiasyz birqatar qyzmetterdi kórsetý múmkindigin boldyrmaidy.
Qalǵan nysandar boiynsha tekserýlerdi uiymdastyrý jalǵasýda. Búgingi tańda 84 emshara kabinetine qatysty jospardan tys tekserýler aiaqtaldy.
Tekserý barysynda mynadai buzýshylyqtar anyqtaldy:
- ● meditsinalyq qyzmetti litsenziiasyz júrgizý;
- ● sanitariialyq erejelerdi saqtamaý;
- ● dárilik zattardy durys saqtamaý;
- ● bilikti meditsinalyq personaldyń bolmaýy;
- ● shuǵyl kómek kórsetý úshin jiyntyqtyń bolmaýy
Jumys qorytyndysy boiynsha 15 mln teńgeden astam somaǵa 122 ákimshilik hattama jasaldy.
Densaýlyq saqtaý ministrligi patsientterdiń qaýipsizdigin qamtamasyz etý jáne densaýlyq saqtaý nysandarynda sanitariialyq-epidemiologiialyq talaptardy saqtaý maqsatynda monitoring pen baqylaýdy jalǵastyrýda.
