Foto: ashyq derekkóz
QR Densaýlyq saqtaý ministrligi Jeke emshara kabinetterinde kórsetiletin meditsinalyq qyzmetterdiń sapasy men qaýipsizdigin baqylaýdy kúsheitedi, dep habarlaidy Ult.kz.
Biylǵy jyldyń basynan beri Jambyl oblysynda meditsinalyq kómek kórsetý standarttaryn buzǵan meditsinalyq uiymdarda eki adam qaitys bolǵanyn esterińizge sala keteiik.
QR DSM Meditsinalyq jáne farmatsevtikalyq baqylaý komiteti osy mekemelerdi tekserý kezinde eleýli buzýshylyqtardy, onyń ishinde shuǵyl meditsinalyq kómek kórsetý úshin litsenziialar men sharttardyń joqtyǵyn, dári-dármekterdi saqtaý qaǵidalaryn saqtamaýdy anyqtady.
Óńirde qoǵamdyq monitoringtik toptar quryldy. Júrgizilgen tekserýlerden keiin olar meditsinalyq kómek kórsetý standarttaryn buzatyn 133 emshara kabinetin anyqtady.
«Jospardan tys tekserýlerdiń nátijesinde 14 emshara kabinetine jalpy somasy 2,1 mln teńgege ákimshilik aiyppul salyndy, 51 kabinet óz erkimen jumysyn toqtatty, 68 mekemede tekserýler jalǵasýda», — dep habarlady MFBK Jambyl oblysy boiynsha departamentinde.
Osyǵan uqsas jumys Qazaqstannyń basqa óńirlerinde de júrgiziletin bolady.
Jospardan tys tekserýler azamattardyń resmi ótinishteri, ákimdikterdiń, Densaýlyq saqtaý basqarmalarynyń, quqyq qorǵaý organdarynyń tapsyrmalarynyń negizinde ǵana júrgizilýi múmkin ekenin aita ketken jón.
Densaýlyq saqtaý ministrligi tek litsenziialanǵan meditsinalyq uiymdarǵa júginýdi, personaldyń biliktiligine jáne meditsinalyq qyzmetti júzege asyrýǵa litsenziianyń bolýyna qyzyǵýshylyq tanytýdy, dárigerlik baqylaýsyz úide emsharalar júrgizbeýdi usynady.
