QR Densaýlyq saqtaý vitse-ministri – Bas memlekettik sanitar dáriger Erlan Qiiasov ózderi týraly áleýmettik jelidegi «Shyn vaktsina salmady» degen pikirlerge jaýap berdi, dep habarlaidy "Ult aqparat".
«Búgin sizderdiń (BAQ ókilderi – red.) aldaryńyzda osy qoraptar muzdatqyshtan shyǵaryldy jáne ashyldy. Flakonnyń qalai ashylǵanyna kýá boldyńyzdar. Munda bóten adamdarmen eshqandai manipýliatsiia jasalmaǵanyn kórdińizder. Barlyǵy qoldanystaǵy nusqaýlar sheńberinde jasalýda. Endi bizdiń vaktsina alǵanymyzdyń shyn ekenin tilshiler jetkizýi kerek dep oilaimyn», - dep jaýap berdi Erlan Qiiasov №6 qalalyq emhanada tilshilerge bergen suhbatynda.
Eske sala ketsek, elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
Búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
