1 sáýirde Qyzylorda oblysynda koronavirýs juqqan 6 adam anyqtaldy, dep habarlady oblystyq densaýlyq saqtaý basqarmasynyń basshysy Jaqsylyq Ábdisámetovke silteme jasaǵan resmi aqparat taratatyn kyzylorda-news.kz saity. Densaýlyq saqtaý ministrligi keiinirek aqparatty rastady.
"Qyzylorda oblysynda koronavirýs infektsiiasyn juqtyrǵan naýqastar sany 24 adamǵa jetti. Olardyń ekeýi – Qarmaqshy aýdanynda, ekeýi Jańaqorǵan aýdanynda, bireýi – Shieli, al altynshysy – Qyzylorda qalasynda tirkeldi. Qarmaqshy aýdanyndaǵy bir naýqas Almaty qalasynan kelgen. Ekinshi naýqas anyqtalyp jatyr. Jańaqorǵan aýdanyndaǵy eki adam da osy infektsiiany buryn juqtyrǵan naýqastarmen qarym-qatynasta bolǵandar. Shieli aýdanynda da osyndai jaǵdai, iaǵni, buryn aýyrǵan naýqaspen tyǵyz bailanysta bolǵan. Al Qyzylorda qalasynda anyqtalǵan adam oblysta eń birinshi anyqtalǵan naýqaspen qarym-qatynasta, tyǵyz bailanysta bolǵan, – dedi Jaqsylyq Ábdisámetov.
Sońǵy eki kúnde Qyzylorda oblysynda naýqastar sany kúrt kóbeigen. 30 naýryzda Qyzylorda oblysynda 5 naýqas bolǵan, ertesinde olardyń sany 18-ge jetti. Qazir taǵy alty adamnan anyqtalǵan. Barlyǵy 24 naýqas emdelip jatyr.
1 sáýirde Qaraǵandyda koronavirýstan bir adam qaitys boldy. Qazaqstanda barlyǵy úsh adam virýstan kóz jumdy. Naýqastardyń jalpy sany 369-ǵa jetti.
