Sot Denis Tenniń qaza tabý deregi boiynsha qylmystyq isti tergeý aiasynda kúdiktilerge qatysty bultartpaý sharasyn uzartty. Bul týraly Almaty qalalyq sotynyń baspasóz qyzmeti habarlady, dep jazady Sputnik.
Mamandandyrylǵan aýdanaralyq tergeý soty QK-niń 434-baby (qylmys týraly habarlaý), 24-babynyń 3-bólimi (qylmysqa daiyndalý jáne qylmysqa oqtalý), 188-baby 2-bóliginiń 1-tarmaǵy (urlyq) boiynsha qylmys jasaǵany úshin kúdikti Janar Tolybaevaǵa qatysty bultartpaý sharasyn 15 kúnge — 7 qarashaǵa deiin uzartty.
Urlyq, qaraqshylyq jasady jáne kisi óltirdi dep aiyptalyp jatqan Arman Qudaibergenovke qatysty bultartpaý sharasy 4 qarashaǵa deiin uzartyldy.
Sondai-aq, Denis Tendi óltirdi degen kúdikke ilingenderdiń biri – Nuraly Kiiasovqa qatysty da bultartpaý sharasy uzartyldy, ol 3 qarashaǵa deiin qamaýda bolady.
Osy jyldyń 19 shildesinde Almatyda Olimpiadanyń qola júldegeri Denis Tenge shabýyl jasaldy. Ony avtokólik urylary aiaǵynan pyshaqtap ketti. Birneshe saǵattan soń 25 jastaǵy chempion kóp qan joǵaltý saldarynan aýrýhanada qaitys boldy.
