Denis Tenniń ólimine bailanysty ustalǵandardyń biri qylmys jasaǵanyn moiyndady, dep habarlaidy "Ult aqparat" QazAqparat agenttigine silteme jasap.
«1994 jyly Jambyl oblysynda týǵan Qiiasov Nuraly ustaldy. Ol óziniń jasaǵan qylmysyn moiyndady, osy iske advokat qatysyp otyrdy. Ol ýaqytsha ustaý izoliatoryna qamaldy. Ekinshi kúdiktiniń de kim ekeni anyqtaldy. Qazir ony izdestirý jumystary júrip jatyr», - dedi prokýror Berik Júirektaev BAQ ókilderimen bolǵan brifingte.
Sotqa deiingi tergeý QR QK 99 baby 2 bóligi boiynsha júrip jatyr.
Aita keteiik, tanymal qazaqstandyq mánerlep syrǵanaýshy Denis Ten pyshaqtan alǵan jaraqatymen aýrýhanaǵa 19 shilde kúni tús kezinde jetkizildi.
Almaty qalalyq IID-niń málimetteri boiynsha, belgisiz bireýler sportshynyń kóliginiń ainasyn urlamaq bolǵan. Oqiǵanyń ústinen túsken sportshyny urylar jambasynan jaraqattaǵan. Sportshy 3 litr qan joǵaltqan. Dárigerler onyń jaǵdaiyn óte aýyr dep baǵalady.
Keshirek QR Densaýlyq saqtaý ministrliginiń baspasóz hatshysy Ernar Ákimqulov sportshynyń qaza bolǵandyǵyn jariialady.
