Mánerlep syrǵanaýshy Denis Tenniń ólimi boiynsha sottalǵan Janar Tolybaeva 2021 jyldyń jeltoqsanynan beri qylmystyq-atqarý júiesi mekemesinde otyrǵan joq, - dep habarlaidy Tengrinews.kz.
"Janar Tolybaeva 2021 jyldyń jeltoqsan aiynan beri túzeý mekemesinde otyrmaǵanyn habarlaimyz", - dedi IIM Qylmystyq-atqarý júiesi komitetiniń baspasóz qyzmetindegiler.
Aita keteiik, Denis Ten 2018 jyldyń 19 shildesinde urylar qolynan qaza tapqan bolatyn. Sot 2019 jyldyń basynda sportshynyń ólimine qatysty sottalǵandarǵa úkim shyǵarǵan.
Arman Qudaibergenov "Urlyq", "Qaraqshylyq" jáne "Adam óltirý" boiynsha aiypty dep tanylyp, 18 jylǵa sottalǵan. Nuraly Qiiasovqa "Adam óltirý" jáne "Qaraqshylyq" baptary boiynsha 18 jylǵa bas bostandyǵynan aiyrý jazasy kesilgen edi.
Janar Tolybaeva "Qylmys týraly habarlamaý" boiynsha kináli dep tanylǵan. Ol 4 jylǵa bas bostandyǵynan aiyrylǵan. Is barysynda onyń júkti ekeni belgili bolǵan. Ol ekinshi balasyn túrmede bosanǵan edi. Tolybaeva jazasyn balasymen birge Almaty oblysy Jaýǵashty aýylyndaǵy LA-155/4 túzetý mekemesinde ótegen bolatyn.
