Qazaqstan Ulttyq Olimpiada komitetiniń resmi saitynda qazan aiynyń úzdik sportshysyn anyqtaýǵa arnalǵan saýalnama nátijesi jariialandy, dep habarlaidy "Ult aqparat".
Úzdik atanýǵa jalpy esebi jeti sportshy úmitker boldy. Olar: Denis Nikisha, Ádil Ǵaliahmetov (short-trek), Almat Kebispaev (grek-rim kúresi), Jámilia Baqbergenova (áielder kúresi), Sofia Berýltseva, Móldir Jańbyrbai, Qaisar Alpysbai (karate).
Daýys berý nátijesi boiynsha short-trekten Qazaqstan komandasynyń ókili Denis Nikisha top jardy.
Daýys berý 7 qarasha kúni 12:00-de toqtady. Denis 73,45 paiyzben kósh bastady. Onyń izin ala Jámilia Baqbergenova men Almat Kebispaev ornalasqan.
