Asqar Zabikýlin 16 qarashada Momyshuly dańǵylyndaǵy kópqabatty úiden shyqqan órt kezinde 80 jastaǵy áje men onyń 22 jastaǵy nemeresin qutqardy. Búgin ony emdep jatqan dáriger Pavel Kýtikov órt sóndirýshi óte aýyr halde jatqanyn aitty, - dep habarlaidy Azattyq Ruhy saity.
«Birden aitaiyn, naýqastyń jaǵdaiy óte aýyr. Óitkeni, denesiniń 80 paiyzy kúigen. Beti saý, ishiniń terisi saý, aiaǵy kúimegen. Sany kúigen. Órt sóndirýshi janyp jatqan páterge kirgende maska taqty ma, joq pa, bilmeimin, biraq maǵan jetken aqparatqa sáikes, ol adamdardy qutqarý úshin sheshingen deidi. Jalyndaǵan ottyń ishinde onyń tynys alý jolyna ystyq aýa túsken. Iaǵni bylaisha aitsaq, denesiniń syrtyn kúidirgen ot onyń aýzyn, tamaǵyn, tynys alý jolyn, óńeshin, ókpesin kúidirgen», - deidi dáriger.
Qazir onyń ókpesi demalsyn dep dárigerler jasandy tynys alý apparatyna qosqan. Aǵzasy apparatqa qarsylyq tanytpasyn dep dárimen uiyqtatyp qoiǵan.
Esterińizge sala keteiik, 16 qarashada Astana qalasy Momyshuly dańǵylyndaǵy kópqabatty úidiń 11-qabatynda úsh bólmeli páter otqa oranǵan.
