اسقار زابيكۋلين 16 قاراشادا مومىشۇلى داڭعىلىنداعى كٶپقاباتتى ٷيدەن شىققان ٶرت كەزٸندە 80 جاستاعى ەجە مەن ونىڭ 22 جاستاعى نەمەرەسٸن قۇتقاردى. بٷگٸن ونى ەمدەپ جاتقان دەرٸگەر پاۆەل كۋتيكوۆ ٶرت سٶندٸرۋشٸ ٶتە اۋىر حالدە جاتقانىن ايتتى, - دەپ حابارلايدى Azattyq Ruhy سايتى.
«بٸردەن ايتايىن, ناۋقاستىڭ جاعدايى ٶتە اۋىر. ٶيتكەنٸ, دەنەسٸنٸڭ 80 پايىزى كٷيگەن. بەتٸ ساۋ, ٸشٸنٸڭ تەرٸسٸ ساۋ, اياعى كٷيمەگەن. سانى كٷيگەن. ٶرت سٶندٸرۋشٸ جانىپ جاتقان پەتەرگە كٸرگەندە ماسكا تاقتى ما, جوق پا, بٸلمەيمٸن, بٸراق ماعان جەتكەن اقپاراتقا سەيكەس, ول ادامداردى قۇتقارۋ ٷشٸن شەشٸنگەن دەيدٸ. جالىنداعان وتتىڭ ٸشٸندە ونىڭ تىنىس الۋ جولىنا ىستىق اۋا تٷسكەن. ياعني بىلايشا ايتساق, دەنەسٸنٸڭ سىرتىن كٷيدٸرگەن وت ونىڭ اۋزىن, تاماعىن, تىنىس الۋ جولىن, ٶڭەشٸن, ٶكپەسٸن كٷيدٸرگەن», - دەيدٸ دەرٸگەر.
قازٸر ونىڭ ٶكپەسٸ دەمالسىن دەپ دەرٸگەرلەر جاساندى تىنىس الۋ اپپاراتىنا قوسقان. اعزاسى اپپاراتقا قارسىلىق تانىتپاسىن دەپ دەرٸمەن ۇيىقتاتىپ قويعان.
ەستەرٸڭٸزگە سالا كەتەيٸك, 16 قاراشادا استانا قالاسى مومىشۇلى داڭعىلىنداعى كٶپقاباتتى ٷيدٸڭ 11-قاباتىندا ٷش بٶلمەلٸ پەتەر وتقا ورانعان.
