Qyzylorda oblysynda ýchaskelik politsiia inspektory Myrzajan Jakenov qaza tapty, dep habarlaidy ult.kz.
Aldyn ala málimet boiynsha, politsei qyzmettik mindetin atqarý kezinde kúieýinen jábir kórgen áielge arasha túsken. Osydan keiin kúdikti oǵan shabýyl jasap, nátijesinde politsiia qyzmetkeri qaza tapty degen aqparat tarady.
Marqumnyń denesi qalyń qysqy kiimge oralyp, garajdaǵy shóptiń astyna jasyrylǵan. Keiin quqyq qorǵaý organdary onyń denesin sol jerden tapqan.
Myrzajan Jakenovtiń artynda jary men tórt balasy qaldy.
Marqumnyń jaqyndary qylmysqa qatysy bar barlyq adamnyń anyqtalyp, istiń jan-jaqty ári ádil tergelýin talap etip otyr. Olar kinálilerdiń zań aiasynda qatań jaýapqa tartylýyn suraidy.
