قىزىلوردا وبلىسىندا ۋچاسكەلٸك پوليتسييا ينسپەكتورى مىرزاجان جاكەنوۆ قازا تاپتى, دەپ حابارلايدى ult.kz.
الدىن الا مەلٸمەت بويىنشا, پوليتسەي قىزمەتتٸك مٸندەتٸن اتقارۋ كەزٸندە كٷيەۋٸنەن جەبٸر كٶرگەن ەيەلگە اراشا تٷسكەن. وسىدان كەيٸن كٷدٸكتٸ وعان شابۋىل جاساپ, نەتيجەسٸندە پوليتسييا قىزمەتكەرٸ قازا تاپتى دەگەن اقپارات تارادى.
مارقۇمنىڭ دەنەسٸ قالىڭ قىسقى كيٸمگە ورالىپ, گاراجداعى شٶپتٸڭ استىنا جاسىرىلعان. كەيٸن قۇقىق قورعاۋ ورگاندارى ونىڭ دەنەسٸن سول جەردەن تاپقان.
مىرزاجان جاكەنوۆتٸڭ ارتىندا جارى مەن تٶرت بالاسى قالدى.
مارقۇمنىڭ جاقىندارى قىلمىسقا قاتىسى بار بارلىق ادامنىڭ انىقتالىپ, ٸستٸڭ جان-جاقتى ەرٸ ەدٸل تەرگەلۋٸن تالاپ ەتٸپ وتىر. ولار كٸنەلٸلەردٸڭ زاڭ اياسىندا قاتاڭ جاۋاپقا تارتىلۋىن سۇرايدى.
