Omby meri ataǵyna kandidat Dmitrii Perevalskiidiń bala týý sanyn kóbeitý úshin Soltústik Qazaqstannan kóshirý týraly ideiasyna qatysty SQO ákimdiginiń ókilderi jaýap berdi, - dep habarlaidy kaz.tengrinews.kz tilshisi.
Perevalskiidiń málimdemesi qazaqstandyqtardyń nazaryna iligip, SQO ákimdiginiń ókilderi saiasatkerdiń bul kózqarasyna qatysty óz oiyn aitty. "Meniń bilýimshe, qazirgi ýaqytta Ombyda sailaýaldy kampaniia júrip jatyr. Ol jaqqa mer bolýǵa 30-dan asa adam úmitker. Bul ideiany aityp otyrǵan sol kandidattardyń biri. Bul bastamany kóterý arqyly ol ózine nazar aýdarǵysy keldi. Kandidat retinde ol bul maqsatyna qol jetkizdi. Menińshe, bul máseleni Perevalskii myrza Omby meri atansa, talqylai bastaýǵa bolady", - dep jaýap berdi SQO ákimdiginiń baspasóz qyzmetshisi Timýr Ábdiresh.
SQO statistika departamentiniń málimetinshe, óńirde názik jandylardyń sany erlerge qaraǵanda aitarlyqtai basym. "Oblysta 559 558 adam turady, onyń 266 346-sy - erler de, 293 212-si - áielder. 100 erge shaqqanda 109 áielden keledi. Kórip otyrǵandaryńyzdai, erlerdiń sany áielderge qaraǵanda az. Mundai jaǵdaidyń búkil elimizde saqtalyp otyrǵanyn aita keteiik", - dep habarlady baspasóz hatshysy.
Al shaǵyn saýalnama qorytyndysy boiynsha, soltústik qazaqstandyq áielderge erlerdiń nazary jetkiliksiz eken.
Eske salaiyq, Omby meri qyzmetine kandidat Dmitrii Perevalskii Soltústik Qazaqstannan erlerdi jetkizip, osylaisha demografiiany kóterýdi usynǵan bolatyn.
