Elordadaǵy mádeni oshaqtar aldaǵy demalys kúnine orai túrli teatr qoiylymdaryn, kórmeler men ekskýrsiialar usynady. Barlyq is-sharalar sanitarlyq talaptarǵa sai ótedi, dep habarlaidy "Ult aqparat" ákimdikke silteme jasap.
Astana Opera-da 14 jáne 15 qarasha kúnderi saǵat 18:00-de «Evgenii Onegin» operasy ótedi.
15 qarasha kúni saǵat 15:00-de qazaqstandyq jas mýzykanttar «Eýropaǵa mýzykalyq saiahat» kontsertinde Germaniia, Frantsiia jáne Italiia kompozitorlarynyń shyǵarmalaryn oryndaidy.
Táýelsizdik saraiynda 31 jeltoqsanǵa deiin Abaityń 175 jyldyǵyna arnalǵan jáne «Aqanaevtar áýleti» kórmesi ótedi.
30 qarashaǵa deiin saǵat 10:00-den 17:00-ge deiin «Óner qarlyǵashtary» jáne «Álem bala kózimen» atty balalar ekspozitsiialary ashyldy. Sondai-aq, Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festivaliniń diplomanty, sýretshi Anar Áýbákirdiń «Tylsym» atty kórmesi usynyldy.
Nomad City Hall-da 14 qarasha kúni saǵat 18:00-de «Ábý Nasyr ál-Farabi» atty ádebi-mýzykalyq kesh ótedi.
Qalalyq qýyrshaq teatrynda 14 qarasha kúni saǵat 12:00 jáne 14:00-de jas kórermenderge «Er Tóstik» ertegisin kórsetedi.
Atameken etno-memorialdyq kesheni 14 qarasha kúni saǵat 12:00-de «Syǵanaq qalasyndaǵy Ortaǵasyrlyq meshit» onlain-ekskýrsiiasyn ótkizedi. Is-shara @atamekenmap instagram jáne @atamekenmap.kz feisbýk paraqshalarynda kórsetiledi.
M. Gorkii atyndaǵy drama teatry 14 qarashada saǵat 11:00-de onlain rejimde «Domik dlia tsaria zverei» ertegisin usynady. Transliatsiia instagramda júrgiziledi.
M. Gorkii atyndaǵy drama teatrynyń kishi zalynda 14 qarasha kúni saǵat 18:00-de A.Ostrovskiidiń «Groza» pesasy negizinde spektakl qoiylady.
