«Qazgidromet» RMK 18-20 mamyr aralyǵyna arnalǵan aýa raiy boljamyn jariialady, dep habarlaidy QazAqparat.
Kópjyldyq klimattyq málimetter boiynsha, 17-20 mamyr aralyǵynda Qazaqstanǵa Soltústik Oraldan sýyq jáne ylǵal aýa massalary kelýi múmkin. Aldaǵy demalys kúnderi de Oraldan keletin sýyq atmosferalyq fronttar respýblikanyń kóptegen aimaqtaryna jańbyr ala keledi. Saldarynan temperatýra kezekti ret tómendeýi yqtimal.
Senbi kúni - ońtústikte, jeksenbi - ońtústik-shyǵysta, dúisenbi kúni - soltústik jáne ortalyqta kei jerlerde qatty jańbyr jaýýy múmkin. Respýblikanyń batysyna Reseidiń eýropalyq bóliginen birtindep antitsiklon jyljidy, sondyqtan munda jaýyn-shashyn toqtaidy. Sóitip soltústik troposferalyq aǵyndardyń áserinen aýa temperatýrasy tómendeidi.
