Sinoptikter aldaǵy demalys kúnderi aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Ortalyq Aziiadan aýysyp kele jatqan belsendi tsiklon senbi kúni Qazaqstannyń ortalyq aýdandaryna, al kúndiz respýblikanyń shyǵysyna qarai jyljidy.
Demalys kúnderi respýblikanyń ońtústigi men ońtústik-shyǵysynda jańbyr, dymqyl qar jaýyp, tuman túsedi. Kóktaiǵaq bolyp, kúshti ekpindi jel turady.
Qazaqstannyń ortalyǵy men shyǵysynda ońtústik tsiklonnyń áserinen qar jaýady. Jeksenbi kúni kei jerlerde kúshti boran soǵady, kúrtik qar men kúshti jel turady.
Tsiklonnyń artynan Povoljia aýdandarynan antitsiklon bizge qarai yǵysady, ol jaýyn-shashyn men azdaǵan sýytýdy toqtatady.
Aýa temperatýrasy tómendese de, ol áli de ortasha kópjyldyq mánnen 3...6°S joǵary bolady.
