QR Bas memlekettik sanitar dárigeri Aijan Esmaǵambetovanyń jańa qaýlysyna sáikes, demalys kúnderi kóptegen nysandardyń jumysyna tyiym salynady, dep habarlaidy "Ult aqparat".
Atap aitqanda, demalys kúnderi qoǵamdyq kólik qozǵalysyn, 65 jastan asqan adamdardyń kóshege shyǵýyn shekteý qala beredi. Al saýda-oiyn-saýyq ortalyqtary ondaǵy azyq-túlik sýpermarketteri men dárihanalardy qospaǵanda, saýda úileriniń saýda jelileriniń jumysy toqtatylady. Azyq-túlik emes jáne azyq-túlik jabyq bazarlary jumysy istemeidi.
Sulýlyq salondarynyń, shashtarazdardyń, SPA ortalyqtarynyń, kosmetologiialyq qyzmet kórsetetin nysandardyń jumysy da toqtaidy. Fitnes-ortalyqtar men sporttyq-saýyqtyrý ortalyqtary, qoǵamdyq monshalar, saýnalar jabylady.
Balalar men eresekterge arnalǵan bilim berý ortalyqtarynyń, túzetý kabinetteriniń jumysy, ashyq aýada attraktsiondardyń jumysy toqtata turý boiynsha shekteý sharalary engiziledi.
