Qaladaǵy mádeni mekemeler aldaǵy demalys kúnderine arnap mýzykalyq qoiylym, kórme men ekskýrsiia ázirledi. Barlyq is-shara sanitarlyq talaptarǵa sai ótedi, dep habarlaidy "Ult aqparat" qala ákimdigine silteme jasap.
Astana Opera 21 qarasha kúni saǵat 18:00 – de Djýzeppe Akýavivanyń jetekshiligimen solister, hor men simfoniialyq orkestrdiń oryndaýynda Messa di Gloria álemdik mýzyka klassikasynyń jaýhary Djakomo Pýchchinidi usynady.
Táýelsizdik saraiynda dúisenbiden senbige deiin (31 jeltoqsanǵa deiin) aqyn Abai 175 jyldyǵyna arnalǵan jáne «Aqanaevtar áýleti» atty kórme usynylady.
30 qarashaǵa deiin saǵat 10:00-den 17:00-ge deiin «Óner qarlyǵashtary» jáne «Álem bala kózimen» atty balalar kórmesi ashyldy. Sondai-aq, Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festivaliniń diplomanty, sýretshi Anar Áýbákirdiń «Tylsym»atty kórmesi ótedi.
21 qarashada saǵat 10:00-den 17:00-ge deiin Táýelsizdik saraiynyń qoryndaǵy «Nur-Sultan qalasyna syilyqtar» kórmesine barýǵa bolady, elordaǵa kelgen resmi delegatsiialardyń syilyqtary kórsetiledi.
Qalalyq qýyrshaq teatrynda 21 qarasha kúni saǵat 12:00-de jáne 14:00-de jas kórermenderge arnalǵan «Aladdinniń siqyrly shamy» ertegisi, 22:00-de «Keshki ertegi» taetrdyń Facebook, Instagram paraqshasynda kórsetiledi.
«Atameken» etno-memorialdyq kesheni 21 qarasha kúni saǵat 12:00-de «Abylai hannyń rezidentsiiasy»onlain ekskýrsiiasyn ótkizedi. Is-shara Instagram paraqshasynda jáne Facebook-te kórsetiledi.
22 qarasha kúni saǵat 15:00-de «Naz» bi teatrynyń dástúrli ánshisi Zaǵipa Imanǵazynyń jyr-dastandardyń shyǵý tarihynan dárisi oqidy. Is-shara onlain formatta teatrdyń Facebook, Instagram, YouTube paraqshasynda kórsetiledi.
