Foto: pexels.com
Sinoptikter Qazaqstanda 14-16 qazanda aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar málimeti boiynsha, frontal bólimder áserinen taiaýdaǵy úsh táýlikte soltústik-batysta, soltústikte, shyǵysta, ortalyqta, sondai-aq Qazaqstannyń ońtústik-shyǵysyndaǵy taýly aýdandarda jańbyr men qar túrinde jaýyn-shashyn kútiledi.
16 qazanda Shyǵys Qazaqstan oblysynda nóser jaýyn bolady dep boljanǵan. Respýblikanyń batysy men ońtústiginde joǵary atmosferalyq qysym órisiniń áserinen aýa raiy negizinen jaýyn-shashynsyz bolady dep kútiledi. Qazaqstan boiynsha tuman men jel kúsheiedi dep boljanǵan.
"Respýblikanyń basym bóliginde kúndiz termometr 10-20 gradýsqa deiin jylysa, túnde elimizdiń ońtústigi men ońtústik-shyǵysynda kei jerlerde 1-3 gradýs aiaz kútiledi", - delingen habarlamada.
