Qazgidromet sinoptikteri 19, 20 jáne 21 naýryzǵa arnalǵan aýa raiy boljamyn jariialady, - dep habarlaidy "Ult aqparat".
Apta aiaǵynda el aýmaǵyna soltústik-batys antitsiklon áser etedi, sondyqtan aiaz bolyp, jaýyn-shashyn jaýmaidy.
"Alaida 20 naýryzda soltústik, soltústik-batys aimaqtarǵa Jańa Jer aýdandarynan keletin tsiklon áser ete bastaidy. Tsiklon birtindep ońtústik-shyǵys baǵytqa aýysady. 21 naýryzda respýblikanyń basqa da bóligin qamtidy. Sondyqtan aýa temperatýrasy kóterilip, aýa raiy nasharlaýy múmkin. Qar jaýady, ońtústik jáne ońtústik-shyǵysta aralas jaýyn-shashyn (jańbyr, qar), boran bolyp, jel kúsheiedi", - delingen habarlamada.
