Almatydaǵy ftiziopýlmonologiia ortalyǵynyń direktory Janar Sápieva óńirlik kommýnikatsiialar qyzmetiniń brifingte ortalyqtaǵy kovidtik statsionardyń jumysy jáne delta shtamynyń jańa klinikalyq kórinisteri týraly aitty, dep habarlaidy QazAqparat.
J. Sápievanyń aitýynsha, ftiziopýlmonologiialyq ortalyqty qala ákimdigi belgilegen jáne 2020 jyly koronavirýs infektsiiasymen syrqattanǵan patsientterge statsionarlyq kómek kórsetýge daiyndalǵan.
Ortalyqta barlyq qajetti meditsinalyq jabdyqtar bar, statsionarlyq kómek kórsetý úshin 280 tósek-oryn bar.
Ortalyq sonymen qatar «Halyq Arena» sport kesheniniń «úshinshi eshelony» retinde jumys isteidi.
Ol qaita beiimdelip, derttiń shyrqaý shegi men epidemiologiialyq ahýal órshigen kezde rezervtik aýrýhana retinde paidalanylady.
«Ftiziopýlmonologiia ortalyǵy qazirgi kezde úsh nysanda jumys jasaýda jáne bizge «birinshi eshelon» retinde kún saiyn kóptegen patsientter túsýde. Sońǵy 2 apta ishinde patsientter kóp tústi jáne olardyń jaǵdaiy aýyr boldy», - dedi ortalyq direktory.
Dáriger delta shtamynyń taralýy barysynda derttiń klinikalyq kórinisiniń ózgergenin basa aitty.
Birinshiden, aýrýhanaǵa túsetin patsientter sany kúrt ósti. Bul shtamm denede tez kóbeiedi, tez taralady jáne inkýbatsiialyq kezeńi qysqa bolady. Qazir 7-8 kún.
Ekinshiden, túsken patsientterdiń ókpesi qatty zaqymdanǵan.
«Eger biz buryn ókpesi 20-30 paiyz zaqymdanǵan ortasha aýyrlyqtaǵy naýqastardy qbyldasaq, qazir adamdar 30 paiyzdan astam zaqymdanýmen túsýde», - dedi J. Sápieva.
Dárigerdiń aitýynsha, alǵashqy kúnderi bul aýrý sýyq tiiýge uqsaidy jáne kóptegen adamdar bul belgilerdi elemeidi.
Olar - dene qyzýynyń tómendeýi, qaltyraý, shamaly jótel, álsizdik jáne bas aýrýlary.
Sodan keiin 2-3 kúnnen keiin klinika shapshańdaidy.
Sondyqtan Janar Sápieva patsientterge olardyń jaǵdaiyn muqiiat baqylaýǵa jáne eger temperatýra kóterilse, emhanaǵa barýǵa, múmkin, kókirik qýysyn tekserýden ótkizýge keńes beredi.
«Ókpeniń 30% zaqymdanýymen keletin patsientterde birneshe kún ishinde ókpeniń 60% zaqymdalady. Sonymen qatar, aýrýdyń klinikalyq kórinisine qusý, júrek ainýy, diareia, býyn aýrýy, bulshyqet aýrýy jáne joǵary qyzba siiaqty kórinister qosyldy. Bizdiń patsientterdiń shamamen 70 paiyzynyń temperatýrasy joǵary. Olardyń árqaisysymen jeke jumys isteýimiz kerek», - dedi dáriger.
Sonymen qatar, Janar Sápievanyń aitýynsha, delta shtamynyń taǵy bir óte qaýipti kórinisi - qandaǵy trombotsitter sanynyń artýy. Bul trombozdan ólý yqtimaldyǵyn arttyrady.
«Nevrologiialyq simptomdar da qosylady – bas aýrýy, depressiia, keibir egde jastaǵy naýqastarda midaǵy qan ainalymy buzylady», - dedi dáriger.
