Qarjy monitoringi agenttigi Delta Bank AQ top-menedjerlerine qatysty tergeýdi aiaqtady, - dep habarlaidy "Ult aqparat" QMA baspasóz qyzmetine silteme jasap.
"2012-2017 jyldar aralyǵynda Tileýbaev N.S. (Forbes nusqasy boiynsha Qazaqstannyń eń yqpaldy biznesmenderi reitingine kiredi) nesieler berý arqyly bank qarajatyn shyǵarǵany anyqtaldy.
Tergeý barysynda kúdiktiler men olardyń jaqyn týystarynyń jalpy quny 48 milliard teńgeden asatyn múlkine, 5 qant zaýytyna, 20-dan astam jer telimine, 70 jyljymaityn múlik nysanyna jáne 40 kólikke buǵat qoiyldy. Buǵan Birikken Arab Ámirlikteri, Resei Federatsiiasy, Latviia men Chehiiadaǵy aktivter de kiredi", - dedi QIJK-niń asa mańyzdy ister jónindegi tergeýshisi Kósherbaeva Saltanat.
Qylmystyq áreketten kelgen shyǵyn 200 milliard teńgeden astam, 200 million AQSh dollary jáne 4 million eýro. Qazirgi ýaqytta qylmystyq is sotqa joldanǵan, is boiynsha aiyptalýshylar qamaýda.
