Foto: freepik
Daniialyq Bavarian Nordic A/S kompaniiasynyń MVA-BN vaktsinasy aldyn ala biliktilikten ótip, maimyl sheshegine qarsy alǵashqy vaktsina boldy. Bul týraly DDU jazdy.
"Bavarian Nordic A/S óndirýshisiniń MVA-BN vaktsinasy Dúniejúzilik densaýlyq saqtaý uiymynyń (DDSU) aldyn ala biliktiliginen ótip, maimyl sheshegine qarsy alǵashqy dári boldy", - delingen habarlamada.
MVA-BN vaktsinasyn 18 jastan asqan adamdarǵa tórt apta aralyqpen eki inektsiia túrinde egiledi.
Tońazytqyshta bastapqy saqtaýdan keiin vaktsinany segiz apta boiy +2 ... +8 gradýs temperatýrada qaldyrýǵa bolady.
"Maimyl sheshegine qarsy vaktsinanyń aldyn ala biliktiligi Afrikadaǵy qazirgi epidemiia kezinde de, bolashaqta da osy aýrýmen kúresýdegi mańyzdy qadam sanalady. Endi biz vaktsinalardyń eń qajet bolǵan jerlerinde ádil taralýyn qamtamasyz etý úshin satyp alýdy, donorlyqty jáne olardy qoldanýdy shuǵyl túrde keńeitýimiz kerek", - dedi DDU bas direktory Tedros Adҳanom Gebreiesýs.
DDU málimetteri boiynsha, MVA-BN bir rettik dozasy maimyl shesheginen qorǵaýda 76 paiyz tiimdi, al eki doza 82 paiyz tiimdi dep baǵalanǵan.
Aita keteiik, Afrikada maimyl sheshegine shaldyqqandar sany 22,8 myńǵa jetti.
DDSU maimyl sheshegimen kúresý úshin 135 mln dollarlyq jahandyq jospardy iske qosty.
