Dúniejúzilik densaýlyq saqtaý uiymynyń boljamy boiynsha qysta Eýropada keminde 500 myń adam koronavirýstan kóz jumýy múmkin, dep habarlaidy QazAqparat COVID-19 taralýyna jol bermeý jónindegi VAK telegram kanalyna silteme jasap.
«Eger EO elderi pandemiiaǵa bailanysty shekteýlerdi kúsheitpese, bul boljam júzege asýy múmkin, - dedi DDU Eýropalyq biýrosynyń direktory Hans Kliýge. «COVID-19 kezekti ret bizdiń aimaqta ólim-jitimniń basty sebebi bolyp otyr, jańa tolqynnyń týyndaýy sýyq aýa raiynyń jaqyndaýyna, birqatar elderde vaktsinatsiianyń tómen qarqynyna jáne SARS-CoV-2 juqpaly shtamdarynyń paida bolýyna bailanysty». Osyǵan orai Avstriiada búginnen bastap jalpyulttyq lokdaýn engiziledi, Daniiada kinoteatrlarǵa, túngi klýbtar men meiramhanalarǵa barý úshin kovid-pasporttar mindetti bolyp tabylady.
Al Germaniianyń federaldy aimaqtarynda covid-19 infektsiiasynyń taralý qarqyny báseńdeýde. Robert Koh institýtynyń málimeti boiynsha ótken táýlikte elde 42 727 koronavirýs infektsiiasyna shaldyǵý jaǵdailary tirkelgen, bir kún buryn bul kórsetkish 63 myńnan astam derekti qurady. SARS-CoV-2 infektsiiasynyń rastalǵan jaǵdailarynyń jalpy sany 5,5 mln-ǵa jýyqtady, naqtyraq 5 354 942-ge jetti. Sońǵy 24 saǵat ishinde 75 naýqas aýrý saldarynan kóz jumdy, al pandemiia bastalǵannan beri Germaniiada 99 062 adam COVID-19 asqynýynan kóz jumdy.
