The Lancet meditsinalyq jýrnalynda reseilik «Spýtnik V» vaktsinasyn klinikalyq zertteýdiń úshinshi kezeńiniń nátijeleri jaily jazylǵan jariialanymda preparattyń koronavirýspen kúresý úshin tiimdi ekenin kórsetilgen. Bul týraly sársenbide Dúniejúzilik densaýlyq saqtaý uiymynyń (DDSU) Reseidegi ókili Melita Výinovich aitty, dep habarlaidy TASS agenttigi.
Výinovich, eń aldymen, táýekel tobynda turǵan adamdarǵa koronavirýsqa qarsy ekpe salý kerek, bul ólim jaǵdaiyn azaitýǵa kómektesedi dep atap ótti. Ol sondai-aq preparatty satyp ala almaityn elderdi vaktsinamen qamtamasyz etý qajet ekenin de aitty.
«DDSU óte belsendi qatysýda. Barlyq eldermen kelissózder joǵary deńgeide júrip jatyr», - dedi DDSU-nyń Reseidegi ókili.
Buǵan deiin habarlanǵandai, reseilik «Spýtnik V» vaktsinasy koronavirýstan 92%-ǵa jýyq qorǵaidy. Synaqtyń sońǵy satysyndaǵy nátije The Lancet jýrnalynda jariialanǵan bolatyn.
