The Lancet مەديتسينالىق جۋرنالىندا رەسەيلٸك «سپۋتنيك V» ۆاكتسيناسىن كلينيكالىق زەرتتەۋدٸڭ ٷشٸنشٸ كەزەڭٸنٸڭ نەتيجەلەرٸ جايلى جازىلعان جارييالانىمدا پرەپاراتتىڭ كوروناۆيرۋسپەن كٷرەسۋ ٷشٸن تيٸمدٸ ەكەنٸن كٶرسەتٸلگەن. بۇل تۋرالى سەرسەنبٸدە دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) رەسەيدەگٸ ٶكٸلٸ مەليتا ۆۋينوۆيچ ايتتى, دەپ حابارلايدى تاسس اگەنتتٸگٸ.
ۆۋينوۆيچ, ەڭ الدىمەن, تەۋەكەل توبىندا تۇرعان ادامدارعا كوروناۆيرۋسقا قارسى ەكپە سالۋ كەرەك, بۇل ٶلٸم جاعدايىن ازايتۋعا كٶمەكتەسەدٸ دەپ اتاپ ٶتتٸ. ول سونداي-اق پرەپاراتتى ساتىپ الا المايتىن ەلدەردٸ ۆاكتسينامەن قامتاماسىز ەتۋ قاجەت ەكەنٸن دە ايتتى.
«ددسۇ ٶتە بەلسەندٸ قاتىسۋدا. بارلىق ەلدەرمەن كەلٸسسٶزدەر جوعارى دەڭگەيدە جٷرٸپ جاتىر», - دەدٸ ددسۇ-نىڭ رەسەيدەگٸ ٶكٸلٸ.
بۇعان دەيٸن حابارلانعانداي, رەسەيلٸك «سپۋتنيك V» ۆاكتسيناسى كوروناۆيرۋستان 92%-عا جۋىق قورعايدى. سىناقتىڭ سوڭعى ساتىسىنداعى نەتيجە The Lancet جۋرنالىندا جارييالانعان بولاتىن.
