14 qańtar kúni Dúniejúzilik densaýlyq saqtaý uiymynyń (DDSU) halyqaralyq sarapshylary COVID-19 virýsynyń shyǵý sebepterin tekserý úshin Qytaiǵa barady. Bul týraly QHR Densaýlyq jáne gigiena máseleleri jónindegi memlekettik komiteti habarlady.
Vedomstvo aqparatyna sáikes, taraptar arasynda ótken keńesterden keiin halyqaralyq sarapshylar toby 14 qańtarda Qytaiǵa baryp, onda «qytailyq ǵalymdarmen birge koronavirýstyń jańa úlgisiniń shyǵýyn anyqtaý boiynsha birlesken zertteý jumystaryn júrgizedi».
Ótken táýlikte Qytaidyń materiktik bóliginde koronavirýs juqtyrýdyń jańadan 103 oqiǵasy tirkeldi, sonyń ishinde 85 adam shetelge shyqpaǵan jergilikti turǵyndar. Bul rette jergilikti oqiǵalardyń kóbi Hebei provintsiiasynyń lokdaýn engizilgen eki iri qalasynda – Shitsziachjýan men Sintaida (82) anyqtalǵan.
Sońǵy resmi málimetterge sáikes, QHR-dyń materiktik bóliginde koronavirýs juqtyrǵandardyń 93,93 paiyzy emdelip shyqty. 2019 jyldyń jeltoqsan aiynan beri aýrý juqtyrǵandardyń sany 87,5 myń adamnan asty.
