Álem boiynsha jyl saiyn 1,5 mln adam jol-kólik oqiǵasynan qaza tabady. Bul týraly Ortalyq kommýnikatsiialar qyzmetinde ótken brifingte Dúniejúzilik densaýlyq saqtaý uiymynyń turaqty ókili Oleg Chestnov aitty, dep habarlaidy "Ult aqparat".
«Qarasha aiynyń úshinshi jeksenbisi - Dúniejúzilik jol-kólik oqiǵalarynyń qurbandaryn eske alý kúni. Álem boiynsha jyl saiyn 1,5 mln adam, kún saiyn 2600, ár 24 sekýnd saiyn 1 adam jol-kólik oqiǵasynan kóz jumady. Beibit kúnde osyndai kórsetkish bolýy - óte qaiǵyly jaǵdai», - deidi Oleg Chestnov.
Ol jol-kólik oqiǵasynan kóz jumý jaǵdailaryn ólimniń aldyn alýǵa bolatyn sebepterge jatqyzatynyn aitty.
«Ókinishke qarai, Qazaqstanda jáne álem boiynsha 15-29 jas aralyǵynda ólimniń negizgi sebebi - jol-kólik oqiǵasy. Dárigerler jol-kólik oqiǵalarynan zardap shekken adamdarǵa kómektesedi. Alǵashqy meditsinalyq kómek kórsetken jaǵdaida jol-kólik oqiǵasynan qaza tapqan 100 adamnyń alpysyn aman alyp qalýǵa bolar edi. Dáriger retinde kólik júrgizýshilerine aitarym, alǵashqy meditsinalyq kómek kórsetýdi meńgeripalý kereksizder», - deidi ol.
