DDSU ókilderi Jenevada ótken brifingte koronavirýs jaǵdaiy qaitadan basynan bastalýy múmkin ekenin jáne oǵan dálel baryn eskertti. Bul týraly BUU jańalyqtary saity habarlady.
Uiym taratqan málimetke qaraǵanda, álemde koronavirs juqtyrǵandar sany 16 mln-ǵa jetip, odan 640 myńnan astam adam kóz jumdy.
Jalpy jaǵdai óte kúrdeli: virýs kei jerde agressiialy túrde taralyp jatsa, kei jerde aýrý juqtyrýdyń jańa oqiǵalar sany óte tómen, epidemiiany jeńgen dep kóringen keibir elderde jańa oqiǵalar paida bolýda.
«Birde bir eldiń karantinge qaityp oralǵysy kelmeitini túsinikti. Jáne onyń ekonomikalyq, ózge de zardaptary jetkilikti. Biraq biz virýstyń taralýy qalai júretinin túsinetin bolsaq, oǵan jaýap sharalardy qoldana alamyz. Bul neirohirýrgiiadaǵy jaǵdai siiaqty: miǵa ota jasalǵanda, hirýrg dárigerler problema jasyrynǵan jerge jetý úshin, mikroskoptardy qoldanady», - dedi DDSU Tótenshe jaǵdailar boiynsha atqarýshy direktory Maik Raian.
Onyń aitýynsha, qoldanyp otyrǵan sharalar naqty ári júieli sipatta bolýy tiis – eger «nusqaý árbir eki saǵatta ózgerip otyrsa», bul turǵyndar úshin óte aýyr, adamdardy keri áserde qaldyrýy múmkin. DDSU qandai da bir kezeńde naqty sharalar qoldanyp, olardyń nátije berýine kóz jetkizý qajettigin usynady.
Ol sondai-aq, juqtyrý oqiǵalaryn belsendi túrde anyqtap, qadaǵalaý júrgizip otyrǵan jáne «aproblemany jasyrýǵa tyrysyp júrgen» elderge qarsy shyqpaýǵa shaqyrdy.
«Biliktiń shynaiy jaǵdaidy jasyrýǵa nemese onyń «jaqsy kórinýi» áreketi áldeqaida qaýipti. Men elderdiń maǵan shynaiy jaǵdai týraly baiandap, aýrýdyń órshýin basý úshin sharalar qoldanǵanyn qalaimyn», - dep tolyqtyrdy Raian.
