Dúniejúzilik densaýlyq saqtaý uiymynyń direktory Tedros Adhanom Gebreiesýs 23 naýryzda Jenevadaǵy brifingte koronavirýs pandemiiasy órship bara jatqanyn aitty.
“67 kúnde virýs júz myń adamǵa juqty. Al kelesi júz myń adamǵa virýs 11 kúnde juqty. Keiingi tórt kúnde virýs tabylǵandar sany úsh júz myńǵa jetti” dedi ol.
DDSU direktory “pandemiianyń traektoriiasyn ózgerte alamyz” dep úmittenedi.
Tedros Adhanom Gebreiesýs G20 elderin birigip, pandemiiamen kúresýge shaqyrdy.
- 23 naýryzda álemde koronavirýs juqtyrǵandar 350 myńǵa jetip, 15 myńdai adam kóz jumdy.
- Italiiada keiingi 24 saǵatta taǵy 4790 adamnan virýs tabylyp, 602 adam baqilyq boldy. Qazir bul elde 63928 adam dertke shaldyǵyp, 6078 adam qaza tapty.
- Ispaniiada bir kúnde 2026 adam dertke shaldyǵyp, 434 adam qaza tapty. Qazir bul el adam virýstan 2026 adam ólimi qaitys boldy. Ispaniia adam ólimi boiynsha Irandy (1812 adam) ozyp, Italiia (6078) men Qytaidan (3270) keiingi úshinshi orynǵa shyqty.
- AQSh-ta virýs juqtyrǵandar qyryq myńǵa jetti. 480-nen astam adam opat boldy. Qazir bul el virýs juqtyrǵandar sany boiynsha Qytai men Italiiadan keiingi úshinshi orynda.
23 naýryzdaǵy derekke sai, Qazaqstanda barlyǵy 62 adam Covid-19 dertine shaldyqty. Nur-Sultanda - 32 adam, Almaty qalasynda - 26 adam, Qaraǵandy qalasynda - eki adam, Almaty oblysynda - bir adam, Aqtóbe qalasynda - bir adam koronavirýs juqtyrdy. Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalasy karantinge kóshti.
