Dúniejúzilik densaýlyq saqtaý uiymynyń Bas direktory Tedros Adanom Gebreiesýs koronavirýsqa qarsy ekpe saldyrtty. Bul týraly ol Twitter-degi paraqshasynda jazdy, dep habarlaidy "Ult aqparat".
«Búgin COVID-19 virýsyna qarsy vaktsina saldyrtýǵa kezegim jetti. Vaktsinalar ómirdi qutqaryp qalady. Olardyń álemniń barlyq bólikterine neǵurlym tezirek jetkizý óte mańyzdy. Eger sizder men siiaqty vaktsina qoljetimdi elde tursańyzdar, kezegińiz kelip tursa, vaktsinalaýdan ótińiz», - dep jazdy DDSU basshysy.
Gebreiesýstyń dál qandai preparat saldyrtqany týraly naqtylanbaidy.
DDSU málimetinshe, álemde koronavirýs juqtyrý jáne odan bolǵan ólim oqiǵalarynyń sany sońǵy aptada azaiyp, tiisinshe 5,5 mln-nan astam jáne 90 myńnan astam jaǵdaidy quraǵan. Atap ótkende, Eýropa jáne Jerorta teńiziniń aimaqtarynda jańa oqiǵalar sanynyń azaiýy baiqalyp otyr. Al Ońtústik-Shyǵys Aziiada aýrý juqtyrý jańa oqiǵalarynyń sany 6 paiyzǵa ósken.
