Dúniejúzilik densaýlyq saqtaý uiymynyń (DDSU) basshysy Tedros Adanom Gebreisýs álemde koronavirýs infektsiiasynyń taralymy pandemiianyń búkil ýaqytynda eń joǵary kórsetkishke jaqyndap qalǵanyn málimdedi, dep habarlaidy Las Vegas Sun.
DDSU basshysy bul jóninde baspasózge arnalǵan brifing kezinde aitty. Ol búkil álem boiynsha jańa rastalǵan oqiǵalardyń kún saiynǵy sany sońǵy eki aida eki ese kóbeigenin atap ótti.
«Álemde COVID-19 virýsyn juqtyrý, odan bolǵan ólim-jitim sanynyń jyldamdyqpen ósýi alańdaýshylyq týdyryp otyr. Virýs juqtyrýdyń jańa oqiǵalarynyń sany pandemiia bastalǵannan beri eń joǵary kórsetkishke jaqyndap qalǵan», - dedi ol.
DDSU buǵan deiin virýstyń tez taralýynan aman qalǵan Papýa-Jańa Gvineia siiaqty keibir elderde qazirgi kezde aýrý juqtyrý sanynyń kúrt óskenin málimdedi.
«Jyldyń basyna deiin Papýa-Jańa Gvineiada aýrý juqtyrýdyń 900-ǵa jýyq jaǵdaiy men 9 ólim tirkelgen», - dep atap ótti Gebreisýs.
Qazirgi kede elde virýs juqtyrýdyń 9 myńnan astam adamnyń indet juqtyrǵany, 83 adamnyń qaitys bolǵany anyqtaldy, sonyń jartysy ótken aida tirkelgen.
Búginde COVAX álemniń 100-den astam eline 40 millionǵa jýyq vaktsinasyn jiberdi. Bul álem turǵyndarynyń 0,25 paiyzyna jýyǵyn qorǵaý úshin jetkilikti.
