Álem halqynyń keminde 70 paiyzyn vaktsinalaǵan kezde ǵana COVID-19 pandemiiasyn jeńýge bolady. Mundai málimdemeni Dúniejúzilik densaýlyq saqtaý uiymynyń (DDSU) bas direktory Tedros Gebreiesýs G7 sammitinde jasady, dep habarlaidy "Ult aqparat" BUU Jańalyqtar ortalyǵyna silteme jasap.
«Pandemiiany tolyǵymen jeńý úshin biz álem halqynyń kem degende 70 paiyzyna vaktsina egýimiz kerek jáne muny kelesi jyly Germaniiada bolatyn kezekti kezdesýge deiin jasaý qajet. Muny «úlken jetilik» pen «úlken jiyrmalyqtyń» birlesken qoldaýymen iske asyrýǵa bolady. Ol úshin bizge 11 milliard doza vaktsina kerek», – dep málimdedi DDSU basshysy.
«Qysqa merzimdi perspektivaǵa keletin bolsaq, ol osy jyldyń qyrkúiek aiyna qarai ár eldiń turǵyndarynyń kem degende 10 paiyzyn, al jyl sońyna deiin 40 paiyzyn vaktsinalaý qajet», - dep málimdedi ol. «Bul úshin dál qazir, iaǵni osy jáne kelesi aida 100 million doza vaktsina, al qyrkúiekke qarai taǵy 250 million vaktsina qajet. Olar COVAX bastamasy arqyly taratylýy tiis».
Tedrostyń aitýynsha, tehnologiialardy kedei elderge berý jáne ziiatkerlik menshik quqyǵynan bas tartý esebinen olardyń óndirisin keńeitý qajet.
DDSU basshysy álemdi aldaǵy pandemiiadan qorǵaý úshin qazirgi daǵdarystan sabaq alýǵa shaqyrdy. Qazir eń bastysy – yntymaqtastyqqa qol jetkizý jáne ár elge óz halqynyń qaýipsizdigin qamtamasyz etý úshin qajetti málimetter, aqparattar, resýrstar, tehnologiialarmen jáne barlyq quraldarmen almasýdy jolǵa qoiý kerek.
Sondai-aq ol pandemiiaǵa daiyndyqty arttyrý jáne jańa patogenderdiń shyǵý kózderin anyqtaýda yntymaqtastyqty nyǵaitý týraly «halyqaralyq kelisimshart, konventsiia» jasasýdy usyndy.
