ەلەم حالقىنىڭ كەمٸندە 70 پايىزىن ۆاكتسينالاعان كەزدە عانا COVID-19 پاندەميياسىن جەڭۋگە بولادى. مۇنداي مەلٸمدەمەنٸ دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس گەبرەيەسۋس G7 سامميتٸندە جاسادى, دەپ حابارلايدى "ۇلت اقپارات" بۇۇ جاڭالىقتار ورتالىعىنا سٸلتەمە جاساپ.
«پاندەمييانى تولىعىمەن جەڭۋ ٷشٸن بٸز ەلەم حالقىنىڭ كەم دەگەندە 70 پايىزىنا ۆاكتسينا ەگۋٸمٸز كەرەك جەنە مۇنى كەلەسٸ جىلى گەرمانييادا بولاتىن كەزەكتٸ كەزدەسۋگە دەيٸن جاساۋ قاجەت. مۇنى «ٷلكەن جەتٸلٸك» پەن «ٷلكەن جيىرمالىقتىڭ» بٸرلەسكەن قولداۋىمەن ٸسكە اسىرۋعا بولادى. ول ٷشٸن بٸزگە 11 ميلليارد دوزا ۆاكتسينا كەرەك», – دەپ مەلٸمدەدٸ ددسۇ باسشىسى.
«قىسقا مەرزٸمدٸ پەرسپەكتيۆاعا كەلەتٸن بولساق, ول وسى جىلدىڭ قىركٷيەك ايىنا قاراي ەر ەلدٸڭ تۇرعىندارىنىڭ كەم دەگەندە 10 پايىزىن, ال جىل سوڭىنا دەيٸن 40 پايىزىن ۆاكتسينالاۋ قاجەت», - دەپ مەلٸمدەدٸ ول. «بۇل ٷشٸن دەل قازٸر, ياعني وسى جەنە كەلەسٸ ايدا 100 ميلليون دوزا ۆاكتسينا, ال قىركٷيەككە قاراي تاعى 250 ميلليون ۆاكتسينا قاجەت. ولار COVAX باستاماسى ارقىلى تاراتىلۋى تيٸس».
تەدروستىڭ ايتۋىنشا, تەحنولوگييالاردى كەدەي ەلدەرگە بەرۋ جەنە زيياتكەرلٸك مەنشٸك قۇقىعىنان باس تارتۋ ەسەبٸنەن ولاردىڭ ٶندٸرٸسٸن كەڭەيتۋ قاجەت.
ددسۇ باسشىسى ەلەمدٸ الداعى پاندەمييادان قورعاۋ ٷشٸن قازٸرگٸ داعدارىستان ساباق الۋعا شاقىردى. قازٸر ەڭ باستىسى – ىنتىماقتاستىققا قول جەتكٸزۋ جەنە ەر ەلگە ٶز حالقىنىڭ قاۋٸپسٸزدٸگٸن قامتاماسىز ەتۋ ٷشٸن قاجەتتٸ مەلٸمەتتەر, اقپاراتتار, رەسۋرستار, تەحنولوگييالارمەن جەنە بارلىق قۇرالدارمەن الماسۋدى جولعا قويۋ كەرەك.
سونداي-اق ول پاندەميياعا دايىندىقتى ارتتىرۋ جەنە جاڭا پاتوگەندەردٸڭ شىعۋ كٶزدەرٸن انىقتاۋدا ىنتىماقتاستىقتى نىعايتۋ تۋرالى «حالىقارالىق كەلٸسٸمشارت, كونۆەنتسييا» جاساسۋدى ۇسىندى.
