video kadry
Májilis depýtaty, «AMANAT» partiiasy fraktsiiasynyń múshesi Edil Jańbyrshin Májilistiń jalpy otyrysynda daiyndyqsyz keletin Úkimet múshelerin synady, dep habarlaidy Azattyq Ruhy.
«Bizdiń ministrler men olardyń orynbasarlary daiyndyqsyz keledi. Bireýi baiandama jasap, jaýapty oqyp otyr. Ekinshisi jalpylama áńgime aitady. Bul birneshe ret qaitalanyp otyr. Depýtattar naqty suraq qoiady. Naqty jaýap joq. Qaita-qaita biz naqtylap otyramyz. Olai bolmaýy kerek qoi», - dedi Jańbyrshin.
Keiin depýtat biznesti qoldaimyz dep kóptegen nárseni búldirip alǵanymyzdy aitty.
«Ekibastuzdaǵy, MAEK-tegi jaǵdai, «Qaraturymdaǵy» apat, Qaraǵandyda keshegi shahtada bolǵan apat. Bul – búkil óndiristegi problema. Biz olardyń barlyǵyn qorǵap, biznesti damytamyz dep olardy prokýratýra organdary arqyly tekserýdi rettep qoidyq. Qazir birde-biri, ekologiialyq qaýipsizdik bolsyn, óndiristik qaýipsizdik bolsyn kire almaidy, olardyń qoly bailanǵan. Zańmen bailap qoiyp otyrmyz. Onyń arty adam ólimine, tehnikanyń jańalanbaýyna ákelip otyr. Mine, osy máselege qatysty salalyq ministrlikter barlyǵyna reviziia jasap, zańdardy qarap, durys sheshimder qabyldai ma? Ary qarai osylai jalǵasa berse, apat bolyp, taǵy adam ólimine ákeledi. Osy boiynsha ne istep jatyrsyzdar? Muny halyq surap otyr», - dedi depýtat Ulttyq ekonomika ministrine qarata.
Óz kezeginde Ulttyq ekonomika ministri Álibek Qýantyrov suraqqa jaýap berý barysynda bizneske qoiylatyn talapty jeńildetip jatqanyn aitty.
«Ony kásipkerler kóterip jatyr. Sondyqtan júktemeler jelisin azaittyq. Biraq bizdegi memlekettik organdardyń tiisti quqyǵy bar. Ol jedel den qoiý sharalary arqyly júzege asyrylady. Olar salalyq zańnamasyna kórsetilgen. Oǵan elektr energetikasy, AES, ósimdikterdi qorǵaý salasy jatady. Osy nysandardy prokýratýrada tirkeýi bolmasa, tikelei osy nysandarǵa baryp teksere alady», - dedi Qýantyrov.
