Zańgerler daýys bergennen keiin exit roll saýalnamasyn júrgizýshilerdiń jumysyna qatysty aitty, dep habarlaidy "Ult aqparat".
Qazaqstan Zańgerler odaǵynyń tóraǵasy Serik Aqylbaidyń aitýynsha, exit roll suraqtaryna eki túrli jaýap berýge bolady.
«Siz saýalnama júrgizýshige ózińizdiń kimge daýys bergenińizdi ashyq aita alasyz. Al eger aitqyńyz kelmese, «Ózim qalaǵan kandidatqa daýys berdim» dep qana jaýap qatyńyz. Suraq iesi naqty jaýap talap etse, Sailaý týraly zańnyń 8-babyn buzyp turǵanyn eskertińiz», - dep keńes beredi zańger.
Zań ǵylymdarynyń doktory álemde mundai saýalnama júrgizýdiń sátti tájiribeleri bar ekenin aitady. Onyń pikirinshe, sondai sátti úlgilerdi bizge de engizý artyq bolmaidy.
«Mysal men Ulybritaniiadaǵy sailaýǵa kýá boldym. Bizde exit roll júrgizýshiler tikelei tónip turyp suraq qoiady ǵoi. Ol jaqta sál basqashalaý. Siz daýys berý kabinasynan shyqqannan keiin aldyńyzǵa biýlletenniń shartty kóshirmesin qoiady. Kimge daýys bergenińizdi sol kóshirmege belgilegenshe ózi teris ainalyp turady. Bul áldeqaida qolaily ári demokratiiaǵa sai tásil», - deidi Serik Aqylbai.
Eske salsaq, «Zańgerler ádil sailaý úshin» qoǵamdyq birlestiginiń músheleri exit roll nátijelerin BAQ-ta jariialaýdyń tártibi týraly da aitqan bolatyn.
Sondai-aq jumys berýshilerdiń qol astyndaǵy qyzmetkerlerden sailaýǵa qatysqan-qatyspaǵany týraly esepti talap etýi zańsyz ekeni jetkizildi.
