Búgin QR Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý rásimi ótti, dep habarlaidy QazAqparat.
Shara barysynda QR Prezidenti Ákimshiligi Basshysynyń birinshi orynbasary Dáýren Abaev Memleket basshysy Qasym-Jomart Toqaevtyń buqaralyq aqparat quraldary ókilderin kásibi merekesimen quttyqtaýyn oqyp berdi.
Sonymen qatar ol Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn «Qazaq ádebieti» gazetiniń bas redaktory Qýatov Dáýren Qasenulyna, «Egemen Qazaqstan» respýblikalyq gazeti» AQ basqarma tóraǵasy Qydyráli Darhan Qýandyqulyna, «Jetisý» telearnasynyń direktory Sarybai Serik Ábikenulyna, «Habar» telearnasynyń taldamalyq baǵdarlamalar bóliminiń shef-redaktory Trýhachev Aleksandr Vladimirovichke tabys etti. Al Qazaqstan Respýblikasy Prezidentiniń buqaralyq aqparat quraldary salasyndaǵy granttaryn «QAZAQSTAN» ulttyq telearnasynyń tilshisi Áshim Albinaǵa, «Habar» telearnasy taldamalyq baǵdarlamalar bóliminiń tilshisi Madiiarova Maqpal Baqytbekqyzyna, «Semei» telearnasynyń redaktor-telejúrgizýshisi Nurysheva Marjan Erkimbekqyzyna, «Azattyq rýhy» aqparat agenttiginiń shyǵarýshy redaktory Smailov Jandos Meiirbekulyna berdi. Qazaqstan Respýblikasy Prezidentiniń buqaralyq aqparat quraldary salasyndaǵy Alǵysymen «Ana tili» gazetiniń, «QazAqparat» halyqaralyq aqparat agenttiginiń, «Kazahstanskaia pravda» respýblikalyq gazetiniń, «QAZAQSTAN» ulttyq telearnasynyń Mańǵystaý oblystyq filialynyń shyǵarmashylyq ujymy marapattady.
«Búgingi marapattaryńyz qutty bolsyn! Sizder buǵan ábden laiyqtysyzdar. Sonymen qatar ózderińiz arqyly elimizdiń búkil jýrnalisterin kásibi merekelerimen quttyqtaimyn! Qadamdaryńyz qutty, qalamdaryńyz júirik bolsyn! Elimizdiń damýy úshin aqparat salasynda aianbai eńbek ete berińizder», - dedi Dáýren Abaev.
