Foto: Akorda.kz
Dáýren Abaev TMD Bas hatshysynyń orynbasary bolyp taǵaiyndalady. Aqparatty Syrtqy ister ministrligi rastady, dep habarlaidy Sputnik Qazaqstan saity.
"Dáýren Abaev TMD Bas hatshysynyń orynbasary bolyp taǵaiyndalady. Ol 7 naýryzda Minskke barady. Ol jaqta Qazaqstannyń qazirgi ókili Beketjan Jumahanovtyń ornyna taǵaiyndalady", - dedi SIM resmi ókili Aibek Smadiiarov.
Dáýren Áskerbekuly Abaev 1979 jyly Almaty oblysynda dúniege kelgen. Úilengen, eki balasy bar.
2001 jyly Dáýren Abaev ál-Farabi atyndaǵy Qazaq memlekettik ulttyq ýniversitetin qyzyl diplommen bitirgen. 2006 jyly Niderlandydaǵy Leiden ýniversitetin támámdaǵan. 2014 jyly Eýraziialyq gýmanitarlyq institýttyń diplomyn alǵan. Qazaq, orys jáne aǵylshyn tilinde erkin sóileidi.
Eńbek joly:
2001 jyldyń tamyzy men 2003 jyldyń tamyzy aralyǵynda Qazaqstan Respýblikasy Syrtqy ister ministrliginiń ortalyq apparatynda jumys istedi.
2003 jyldyń mamyry men 2007 jyldyń mamyry aralyǵynda Qazaqstan Respýblikasynyń Ázerbaijandaǵy jáne Niderland Koroldigindegi Elshilikterinde diplomatiialyq qyzmet atqardy.
2007 jyldyń mamyry men 2007 jyldyń jeltoqsany aralyǵynda - Qazaqstan Respýblikasy Syrtqy ister ministrliginiń Baspasóz qyzmeti bóliminiń bastyǵy.
2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblikasy Prezidenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda - Qazaqstan Respýblikasy Prezidenti Baspasóz hatshysynyń orynbasary.
2009 jyldyń qazanynan - Qazaqstan Respýblikasy Prezidenti Ákimshiliginiń Memlekettik baqylaý jáne aýmaqtyq-uiymdastyrý jumysy bóliminiń memlekettik inspektory.
2011 jyldyń qazanynda Memleket basshysynyń Ókimimen Qazaqstan Respýblikasy Prezidentiniń Baspasóz hatshysy bolyp taǵaiyndaldy.
2011 jylǵy shildeden - Qazaqstan Respýblikasy Prezidentiniń keńesshisi.
2016 jylǵy 6 mamyrdan Qazaqstan Respýblikasy Aqparat jáne kommýnikatsiialar ministri.
2019 jyldyń 25 aqpanynan bastap Qazaqstan Respýblikasy Prezident Jarlyǵymen Qazaqstan Respýblikasy aqparat jáne qoǵamdyq damý ministri bolyp taǵaiyndaldy.
2020 jyldyń 4 mamyrynan – Qazaqstan Respýblikasy Prezidenti Ákimshiligi basshysynyń birinshi orynbasary.
2021 jyldyń 11 qańtarynan 2023 jyldyń qańtaryna deiin — Qazaqstan Respýblikasynyń Mádeniet jáne sport ministri qyzmetin atqardy.
