Dáýren Abaev QR Prezidenti Ákimshiligi Basshysynyń birinshi orynbasary bolyp taǵaiyndaldy, dep habarlaidy "Ult aqparat".
«Dáýren Áskerbekuly Abaev Qazaqstan Respýblikasy Prezidentiniń Ákimshiligi Basshysynyń birinshi orynbasary bolyp taǵaiyndalsyn», - delingen Aqorda saitynda jariialanǵan QR Prezidenti Qasym-Jomart Toqaevtyń Jarlyǵynda.
Sondai-aq Memleket basshysynyń Jarlyǵymen Dáýren Abaev basqa jumysqa aýysýyna bailanysty QR Aqparat jáne qoǵamdyq damý ministri qyzmetinen bosatyldy.
Dáýren Áskerbekuly Abaev 1979 jyly Almaty oblysynda týǵan. 2001 jyly Ál-Farabi atyndaǵy Qazaq memlekettik ulttyq ýniversitetin úzdik bitirgen. 2014 jyly Eýraziia gýmanitarlyq institýtyn támamdaǵan.
2001 jyldyń tamyzy men 2003 jyldyń tamyzy aralyǵynda QR Syrtqy ister ministrliginiń ortalyq apparatynda jumys istedi.
2003 jyldyń mamyry men 2007 jyldyń mamyry aralyǵynda QR Ázerbaijandaǵy jáne Niderlandy Koroldigindegi Elshilikterinde diplomatiialyq qyzmet atqardy.
2007 jyldyń mamyry men 2007 jyldyń jeltoqsany aralyǵynda - QR Syrtqy ister ministrligi Baspasóz qyzmeti bóliminiń basshysy.
2007 jyldyń jeltoqsany men 2008 jyldyń jeltoqsany aralyǵynda - QR Prezidenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda - QRPrezidenti Baspasóz hatshysynyń orynbasary.
2009 jyldyń qazanynan - QR Prezidenti Ákimshiliginiń Memlekettik baqylaý jáne aýmaqtyq-uiymdastyrý jumysy bóliminiń memlekettik inspektory.
2011 jyldyń qazanynda Memleket basshysynyń Ókimimen QR Prezidentiniń Baspasóz hatshysy bolyp taǵaiyndaldy.
2013 jyldyń shildesinen 2016 jylǵa deiin QR Prezidentiniń keńesshisi - QR Prezidentiniń Baspasóz hatshysy qyzmetin atqardy. 2016 jyldyń mamyrynda QR Aqparat jáne qoǵamdyq damý ministri bolyp taǵaiyndaldy.
I-synypty birinshi hatshy diplomatiialyq dárejesi bar. Qazaq, orys, aǵylshyn tilderin meńgergen. «Qurmet» ordenimen marapattalǵan.
