Aqparat jáne qoǵamdyq damý ministri Dáýren Abaev elimizdegi pravoslav hristiandaryn Rojdestvo merekesimen quttyqtady, dep habarlaidy QazAqparat tilshisi.
Ministr Nur-Sultandaǵy Sviato-Ýspenskii kafedraldy shirkeýine baryp qaitty.
«Búgin búkil pravoslav álemi hristiandardyń basty merekeleriniń biri – Isa Paiǵambardyń týǵan kúnin toilaidy. Tarihi pravoslav dástúrleri álemdegi halyqtardy biriktirip, elderde birlik pen kelisimniń nyǵaiýyna septigin tigizedi. Dál osy jarqyn ári meiirimdi merekede jaqsylyq pen meiirimdiliktiń máńgilik qundylyqtary, kishiniń úlkenge degen qurmeti ulyqtalady. Óziniń tereń mańyzymen bul mereke qazaqstandyqtardy biriktire túsip, bizdiń eldegi birlik pen konfessiiaaralyq kelisimdi saqtaýǵa aitarlyqtai úles qosady. Qazaqstandyqtar dini senimine qaramastan, árdaiym bir-birin mańyzdy dini merekelerde quttyqtap keledi. Osynaý mereke jylý men mahabat, dostyq syilasyn. Barshańyzǵa jaqsylyq pen jarqyn bolashaq tileimin», - dedi Dáýren Abaev.
Aita ketsek, buǵan deiin Memleket basshysy Qasym-Jomart Toqaev qazaqstandyqtardy Rojdestvo merekesimen quttyqtaǵan bolatyn.
