Dáýren Abaev Qazaqstan Respýblikasynyń Mádeniet jáne sport ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
«Memleket basshysynyń Jarlyǵymen Dáýren Áskerbekuly Abaev Qazaqstan Respýblikasy Prezidentiniń Ákimshiligi Basshysynyń birinshi orynbasary laýazymynan bosatyldy», delingen Jarlyqta.
Dáýren Áskerbekuly Abaev 1979 jyly 18 sáýirde Almaty oblysynda dúniege kelgen.
2001 jyly ál-Farabi atyndaǵy Qazaq ulttyq ýniversitetin úzdik bitirdi.
Atqarǵan qyzmetteri:
QR Syrtqy ister ministrliginde referent, attashe, úshinshi hatshy (2001-2003);
Qazaqstan Respýblikasynyń Ázerbaijandaǵy Elshiliginde úshinshi hatshy (2003);
Niderlandy Koroldigindegi QR isteri boiynsha ýaqytsha senimdi ókili, ekinshi hatshy (2003-2007);
QR Syrtqy ister ministrliginiń baspasóz qyzmetinde bólim bastyǵy (2007);
QR Prezidenti Protokolynyń bas sarapshysy, konsýltanty (2007-2008);
QR Prezidentiniń baspasóz hatshysynyń orynbasary (2008-2009);
QR Prezidenti Ákimshiliginiń memlekettik baqylaý jáne aýmaqtyq-uiymdastyrý jumystary bóliminiń memlekettik inspektory (2009);
Qazaqstan Respýblikasy Prezidentiniń baspasóz hatshysy, keńesshisi (2011-2016);
Qazaqstan Respýblikasy Aqparat jáne kommýnikatsiialar ministri (2016-2019).
2019-2020 jyldary – Qazaqstan Respýblikasy Aqparat jáne qoǵamdyq damý ministri.
2020 jyldyń aqpan aiynan Qazaqstan Respýblikasy Prezidenti Ákimshiligi Basshysynyń birinshi orynbasary.
«Parasat» jáne «Kurmet» ordenderimen, merekelik medaldarmen marapattalǵan.
