Belgili aitysker Muhamedjan Tazabekov feisbýktaǵy paraqshasynda «Qazaqtyń at ábzelderi qadym zamannan qajettilik pen komforttyń quraly bolsa, búgin ol alys aýyl men jaqyn mýzeiden ǵana kórer etnografiialyq etiýd (úzik) bolyp barady. Turmysymyz túbegeili ózgerse de, ulttyq túp-tamyrymyz osylardan ekenin umytpaiyq», — dep jazdy. Aityskerdiń osy jazbasyna daýylpaz aqyn Dáýletkerei Kápuly óleńmen bylaisha pikir bildirdi:
«Jonjailaýda óskesin keship aidyn,
Túiesi joq qazaqtyń kóshi — qaiǵym.
Araptyń dalasynan qaitqan bolsań,
Muhajan, atqa minseń, osylai min!»
Muhamedjan Tazabekov te kóp keshiktirmei jaýap berip, oi kóshkinin toqtatpaýǵa tyrysty. Osylaisha dabysy jer jarǵan sóz maidany "sóz dodasyna" ulasty:
«Joq mende Qazaqiiadan ózge qundy oi,
Qanymnan, qaǵymnan da bezbedim ǵoi.
Syrtymnan Arabiianyń dalasyna
Aparyp, ákep júrgen ózderiń ǵoi…»
Dáýletkerei:
«Murtsyz saqal jelpildep tamam asta,
Arab bop áńgime aityp alaqashpa.
Astyńa mingeniń de «arabydan»,
At basyn q burdyń mama aǵashqa?!»
Muhamedjan:
«Mingenim «araby» emes, «japondyq at»,
Babańnyń sipaty edi saqal tym-aq.
Joly túzý jan aitsa jurt senbeidi-aý,
Aýzy qisyq pende aitsa, zakon biraq…»,
Dáýletkerei:
«Astyńnan aqsamasyn «japondyq at»,
Al, «murtsyz jaraspaidy saqal biraq».
Araby bas bilmeitin asaý qusap,
Basyńda ala qashtyń, sho tam, brat?!»
Muhamedjan:
«Ekeýmiz neǵylamyz endi alysyp,
Baýyr bop aiaqtaiyq, kel, qaýyshyp!
Ne minse de túspesin Qazaq attan,
Júreiik úzeńgini teń qaǵysyp!»
Dáýletkerei:
Muhajan, bola qaldyń qai naǵashy?
Jigitsiń attan túspes ainalasy.
Qaýyshsaq qaýyshaiyq osymenen,
Men emes, «aýzy qisyq bai balasy»!
Jeli qoldanýshylary da otty oilardyń ortasyna túsip, qos aqynnyń osynaý erekshe formattaǵy aitysyna ártúrli pikirler jazyp qaldyrǵan. Ázirge osylai támamdalǵan jekpe-jektiń jalǵasy bola ma eken? Sol qyzyq...
