Foto: uww.asia. Foto ochevidtsev
Almatyda erli-zaiyptyny urdy dep basy daýǵa ilikken Dáýlet Turlyhanovtyń uly áskeri mindetin óteýdi jalǵastyrýy múmkin be? Bul saýalǵa Qorǵanys vitse-ministri Sultan Qamaletdinov jaýap berdi, dep habarlaidy QazAqparat.
«Ol boiynsha tekserý júrgizildi. Eskeretin jait, sarbaz quqyq buzýshylyq jasaǵan kezde demalysta boldy. Qazir tergeý júrip jatyr, sot ótti. Meniń túsinýimshe, aiyptalýshy apelliatsiialyq shaǵym túsirdi. Eger ol kináli dep tanylsa, árine qarýly kúshterde sottalǵandar qyzmet ete almaidy», - dep qysqa qaiyrdy Sultan Qamaletdinov Májilis qabyrǵasynda BAQ ókilderiniń saýalyna jaýap bere turyp.
Eske sala keteiik, biyl aqpanda Almatyda zańger Anna Dmitrievich pen onyń kúieýi Oleg Chernov soqqyǵa jyǵylǵan edi. Almaty qalalyq Politsiia departamenti atalǵan derek QR QK-niń 293-baby («Buzaqylyq») boiynsha sotqa deiingi tergeýdiń biryńǵai tizilimine tirkelgenin habarlady.
Keiin sport qairatkeri Dáýlet Turlyhanov balasynyń buzaqylyq áreketine bailanysty pikir bildirdi.
«Aqpannyń 11-ine qaraǵan túni Almatyda meniń ulym men zańgerlerdiń arasynda bolǵan oqiǵaǵa qatysty pikir bildirýdi jón dep taptym. Meniń ulym Nurasyl - kámelet jasyna tolǵan azamat, eger onyń kinási dáleldense, oǵan Qazaqstan Respýblikasynyń zańdaryna sáikes tiisti shara qoldanylady. Sonymen birge men ulymnyń áreketi úshin keshirim suraimyn», - dep jazǵan bolatyn Turlyhanov.
