فوتو: uww.asia. فوتو وچەۆيدتسەۆ
الماتىدا ەرلٸ-زايىپتىنى ۇردى دەپ باسى داۋعا ٸلٸككەن دەۋلەت تۇرلىحانوۆتىڭ ۇلى ەسكەري مٸندەتٸن ٶتەۋدٸ جالعاستىرۋى مٷمكٸن بە? بۇل ساۋالعا قورعانىس ۆيتسە-مينيسترٸ سۇلتان قامالەتدينوۆ جاۋاپ بەردٸ, دەپ حابارلايدى قازاقپارات.
«ول بويىنشا تەكسەرۋ جٷرگٸزٸلدٸ. ەسكەرەتٸن جايت, سارباز قۇقىق بۇزۋشىلىق جاساعان كەزدە دەمالىستا بولدى. قازٸر تەرگەۋ جٷرٸپ جاتىر, سوت ٶتتٸ. مەنٸڭ تٷسٸنۋٸمشە, ايىپتالۋشى اپەللياتسييالىق شاعىم تٷسٸردٸ. ەگەر ول كٸنەلٸ دەپ تانىلسا, ەرينە قارۋلى كٷشتەردە سوتتالعاندار قىزمەت ەتە المايدى», - دەپ قىسقا قايىردى سۇلتان قامالەتدينوۆ مەجٸلٸس قابىرعاسىندا باق ٶكٸلدەرٸنٸڭ ساۋالىنا جاۋاپ بەرە تۇرىپ.
ەسكە سالا كەتەيٸك, بيىل اقپاندا الماتىدا زاڭگەر اننا دميتريەۆيچ پەن ونىڭ كٷيەۋٸ ولەگ چەرنوۆ سوققىعا جىعىلعان ەدٸ. الماتى قالالىق پوليتسييا دەپارتامەنتٸ اتالعان دەرەك قر قك-نٸڭ 293-بابى («بۇزاقىلىق») بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلگەنٸن حابارلادى.
كەيٸن سپورت قايراتكەرٸ دەۋلەت تۇرلىحانوۆ بالاسىنىڭ بۇزاقىلىق ەرەكەتٸنە بايلانىستى پٸكٸر بٸلدٸردٸ.
«اقپاننىڭ 11-ٸنە قاراعان تٷنٸ الماتىدا مەنٸڭ ۇلىم مەن زاڭگەرلەردٸڭ اراسىندا بولعان وقيعاعا قاتىستى پٸكٸر بٸلدٸرۋدٸ جٶن دەپ تاپتىم. مەنٸڭ ۇلىم نۇراسىل - كەمەلەت جاسىنا تولعان ازامات, ەگەر ونىڭ كٸنەسٸ دەلەلدەنسە, وعان قازاقستان رەسپۋبليكاسىنىڭ زاڭدارىنا سەيكەس تيٸستٸ شارا قولدانىلادى. سونىمەن بٸرگە مەن ۇلىمنىڭ ەرەكەتٸ ٷشٸن كەشٸرٸم سۇرايمىن», - دەپ جازعان بولاتىن تۇرلىحانوۆ.
