Aziia kúres federatsiiasynyń prezidenti jáne UWW biýrosynyń múshesi Dáýlet Turlyhanov Qazaqstan grek-rim, erkin jáne áielder kúresi federatsiiasynyń prezidenti bolyp taǵaiyndaldy, dep habarlaidy "Ult aqparat" Olympic.kz saityna silteme jasap.
Kúres federatsiiasynyń kezekten tys konferentsiiasynda sport qurylymynyń eks-prezidenti Erlan Qojasbai qyzmetinen ketý týraly sheshim qabyldap, Dáýlet Turlyhanovtyń kandidatýrasyn usyndy. Konferentsiiaǵa qatysýshylardyń biraýyzdan qabyldaǵan sheshimimen Turlyhanov federatsiia prezidenti bolyp sailandy.
Aita keterligi, buǵan deiin Turlyhanov atalǵan federatsiianyń vitse-prezidenti qyzmetin atqarǵan.
Dáýlet Turlyhanov – keńestik jáne qazaqstandyq grek-rim kúresiniń balýany, KSRO-nyń eńbek sińirgen sport sheberi (1989), Qazaqstan Respýblikasynyń eńbek sińirgen jattyqtyrýshysy. Sonymen qatar, Dáýlet Turlyhanov 1989 jylǵy álem chempiony jáne 1993 jylǵy álem vitse-chempiony, 1995 jylǵy Eýropa jáne Aziia chempiony, Olimpiadanyń kúmis (1988) jáne qola (1992) júldegeri, segiz dúrkin KSRO chempiony bolǵan.
