Foto: uww.asia
Májilis depýtaty Dáýlet Turlyhanov «Dinamo» dene shynyqtyrý-sport qoǵamy tóralqasyna múshe bolyp sailandy.
Bul týraly ol áleýmettik jelidegi paraqshasynda habarlady.
"Osy aptada taǵy bir jaqsy jańalyq oryn aldy. Astanada "DINAMO" SQ-nyń kezekten tys Konferentsiiasy ótip, onda Prezidiýmnyń jańa quramy men osy sport Qoǵamynyń tóraǵasy sailandy.
Otyrys qorytyndysy boiynsha "Dinamo" Qoǵamynyń basshysy bolyp QR Ishki ister Ministri Erjan Sádenov sailandy. Men Prezidiýmge otyrý qurmetine ie boldym. Sondai-aq, konferentsiiaǵa qatysýshylar Prezidiýmǵa ataqty sýǵa júzgish, "Rio-2016" Olimpiadasynyń chempiony Dmitrii Balandindi sailady.
"Dinamo" bir jyldan keiin óziniń 100 jyldyq merei toiyn atap ótpek. Elimizdiń kóptegen dańqty sportshylary "Dinamo" sapynda aq-kók tústi jeideniń namysyn qorǵady. Bul tańda "Dinamo" qatarynda bolý úlken abyroi men mártebe bolyp tabylatyny sózsiz! Jiynda áriptesterime artylǵan senim úshin úlken alǵysymdy bildirip, Qoǵam jumysyna sáttilik tiledim!", - deidi Turlyhanov.
