Sýret: Aqorda
Vladimir Pýtin Sankt-Peterbýrg halyqaralyq ekonomikalyq forýmy (PMEF) aiasynda iri halyqaralyq aqparattyq agenttikterdiń basshylarymen kezdesý ótkizip, birqatar suraqtarǵa jaýap berdi. "QazAqparat" agenttiginiń basshysy Asqar Jaldinov Resei prezidentinen eki el arasyndaǵy qarym-qatynas týraly suraq qoidy.
"Qazaqstan men Resei arasyndaǵy ózara qarym-qatynastyń bolashaǵy qandai?" – dep surady jýrnalist.
Resei prezidenti eki el óte jaqyn, odaqtas qarym-qatynasta ekenin málim etti.
"Óte jaqsy, basqasha aita da almaimyz. Biz óte jaqyn, odaqtas, strategiialyq qarym-qatynastamyz. Bul saýda-ekonomikalyq bailanystarǵa da qatysty, olar senimdi túrde ósip keledi. Jyl saiynǵy ainalym deńgeii de osyny kórsetip tur. Bizdiń ózara árekettesýimizdiń kóptegen baǵyty bar. Men tipti bárin tizbektep aityp ta bitpeimin. Buǵan energetika, ónerkásiptik yntymaqtastyq jáne ǵarysh salasy da kiredi. Bizdiń ortaq shekaramyz úlken. Adamdar da bir-birimen aralasady", – dedi Pýtin Sankt-Peterbýrgte álemniń jetekshi aqparat agenttikteri basshylarymen kezdesý barysynda suraqtarǵa jaýap berip.
Prezident Pýtin Reseidiń 76 sýbektisi Qazaqstannyń tiisti aýmaqtarymen tikelei qarym-qatynasta ekenin túsindirdi.
"Shynymdy aitsam, daý týdyratyn jáne bizdiń qarym-qatynasymyzdy qandai da bir jolmen qiyndatatyn birde-bir máseleni kórip turǵan joqpyn", – dep túsindirdi Resei prezidenti.
